Kungakhathaliseki ukuthi unguchwepheshe wokwamukela izivakashi osemnkantsh 'ubomvu, noma usanda kuqala ukubungaza, kubalulekile ukuqonda ukuthi izintela zikusebenzela kanjani. Njengombungazi, kuye ngendawo okuyo, kungase kudingeke ukuba uqoqe izintela zendawo, i-Value Added Tax (VAT), noma intela Yezimpahla Namasevisi (GST) ekuhlaleni kwakho, okokuzithokozisa, noma inani lesevisi elivela ezivakashini zakho.
Kwezinye izindawo, i-Airbnb ingase iqoqe futhi ikuthumelele izintela ezithile. Noma kunjalo, kungase kube nezinye izintela okufanele uzenze. Uma unquma ukuthi udinga ukuqoqa izintela ezengeziwe, kubalulekile ukuthi izivakashi zaziswe ngenani eliqondile lentela ngaphambi kokubhukha.
Uma ukuqoqwa kwentela okuzenzakalelayo nokuthunyelwa kwemali ye-Airbnb kungatholakali ngezintela ezithile, ungaqoqa izintela mathupha.
Kuye ngezwe ohlala kulo, kungase kudingeke ukuthi ulandise nge-VAT/GST ekunikezeni okunikezayo. Sikukhuthaza ukuthi uthintane nomeluleki wentela endaweni yakho ukuze uthole ukuqonda okwengeziwe noma uma udinga usizo lokuhlola i-VAT/GST kumasevisi owanikezayo.
Ngaphezu kwalokho, i-Airbnb kudingeka iqongelele i-VAT/GST emananini ayo esevisi emazweni anikeza amasevisi nge-elekthronikhi. Bona imininingwane eyengeziwe mayelana nendlela i-VAT esebenza ngayo ekuhlaleni , okokuzithokozisa namasevisi.
Kuye ngohlobo lwentela eqoqwe, ingase ichazwe ngendlela ehlukile embikweni wakho wentela.
Uma ufanelekela ukuqoqa izintela eziqokiwe ngesici sethu sentela esiqokiwe, lezo zintela ziqoqwa esivakashini futhi zithunyelwe kuwe njengokukhokhelwa kwentela okuhlukile. Unesibopho sokuthumela, ukukhokha, nokubika zonke izintela eziqokiwe ezihlobene nokubhukha kwakho eziphathimandleni zentela ezifanele.
Umbiko wakho wentela uzohlanganisa izintela zakho eziqokiwe ekubhukheni ngakunye, uzikhokhele ndawonye njengento eyodwa, futhi ufake imininingwane yokubhukha efana negama lendlu nekhodi yokubhukha, kanye nengqikithi yenani elikhokhiwe. Ukukhokhelwa kwakho kuhlanganisa inani lakho lobusuku, inani lokuhlanza, nanoma yiziphi ezinye izimali oziqoqayo ekubhukheni okusha, ngaphandle kwenani lesevisi yombungazi.